0 تصويتات
41 مشاهدات
في تصنيف التنمية البشرية بواسطة
عايز اعمل مشروع ناجح وازاي اتجنب الخساره فيه وايه هي شروط المشروع الناجح

2 إجابة

0 تصويتات
بواسطة
بسم الله الرحمن الرحيم
اولا عايز تعمل مشروع ناجح
طيب قبل ما تنوي تعمل المشروع
اسأل نفسك كام سؤال
1- انت عايز تعمل مشروع ليه
علشان ظروفك الماديه صعبه ومحتاج تزود دخلك
ولا معاك قرشين وخايف يتصرفو منك قولت تعمل مشروع بيهم
ولا الفكره مش فكرة ظروف ولا فكرة فلوس انما في جواك طموح انك توصل لمكان معين وتقدر توصل لمكانه مهمة في المجتمع وتحقق الحريه الماليه

ناس كتير جدا عملت مشاريع وخسرت فلوسها
ودا ليه اسباب كتير هنتكلم فيها

هل انت عندك الدافع اللي هيخليك تقدر تكمل في مشروعك
وتصبر وتستحمل ولا من اول مشكله هتواجهك هتختالر الحل السهل وتسيب المشروع يخسر  

بما ان انا شايفك متابع وعايز تفهم
ندخل في الموضوع

مشروع يعني تجاره والتجاره يعني حسابات
يعني لازم تحسبها من الأول
انت نفسك تشتغل في ايه  
ومعاك كام علشان تبدأ مشروعك
ومستعد بنسبة كام في الميه علشان تواجه الأحباط والمحبطين

انت نويت وبدأت المشروع اللي انت بتحبه او اللي انت مش بتحبه بس مطلوب في السوق فلازم تحب شغلك  اول حاجه لازم تحب شغلك
يعني الضمييييييييير ايوه الضمير وانك تتقي ربنا في شغلك

لازم ثم لازم ثم لازم حط تحتها مليون خط
بعد سبع سنين من مشروعك  هيبقي معاك فلوس اد ايه

سبع سنين  يعني صبر ثم صبر والتزام وكفاح وعرق
عايز تعرف الألتزام والكفاح والعرق هيجي ازاي
0 تصويتات
بواسطة
عُدل
الكفاح والألتزام بيجي لما تربط نفسك بفلوس تبقي عليك
يعني لازم تكون مديون. أيوه لازم تكون مديون
لازم يكون عليك فلوس يعني تدخل في جمعيه تدفع فيها علي الأقل اكتر من اللي تقدر تدفعه ٣مرات علشان تجبرك انك تنزل تشتغل وتنام وتصحي في محلك او مكان شغلك علشان فلوس الجمعيات مفيهاش هزار

اشتري بضاعه من التجار وادفع اللي معاك ويبقي عليك فلوس

الفلوس اللي عليك هتبقي مجبر تدفعها بالإضافة لفلوس الجمعيات المطلوبه منك اخر الشهر غير كدا مشروعك هيبقي آيل للسقوط

العميل لازم يشوف عندك اختلاف
لسانك يبقي حلو في الكلام
المنتج عندك لازم يكون نضيف علشان الزبون يتعود أن شغلك نضيف علشان تاخد سمعه حلوه والسمعه الحلوه مع الوقت هتبقي مكسب زي الفلوس واكتر

اسئلة متعلقة

0 تصويتات
1 إجابة 30 مشاهدات
سُئل ديسمبر 14، 2020 في تصنيف ثقافة عامة بواسطة kamel (1.5ألف نقاط)
0 تصويتات
1 إجابة 25 مشاهدات
سُئل يونيو 8، 2020 في تصنيف ثقافة عامة بواسطة kamel (1.5ألف نقاط)
0 تصويتات
1 إجابة 26 مشاهدات
Flag Counter
...